Artikolu 28 – Standards tekniċi regolatorji dwar l-informazzjoni neċessarja għat-twettiq tad-diliġenza dovuta fir-rigward tal-klijent

(a)

ir-rekwiżiti li japplikaw għall-entitajiet marbutin b’obbligu skont l-Artikolu 20 u l-informazzjoni li għandha tinġabar għall-fini tat-twettiq ta’ diliġenza dovuta standard, simplifikata u msaħħa skont l-Artikoli 22 u 25 u l-Artikoli 33(1) u 34(4), inkluż ir-rekwiżiti minimi f’sitwazzjonijiet ta’ riskju aktar baxx;

(b)

it-tip ta’ miżuri simplifikati ta’ diliġenza dovuta li l-entitajiet marbutin b’obbligu jistgħu japplikaw f’sitwazzjonijiet ta’ riskju aktar baxx skont l-Artikolu 33(1) ta’ dan ir-Regolament, inkluż miżuri applikabbli għal kategoriji speċifiċi ta’ entitajiet u ta’ prodotti jew ta’ servizzi obbligati, wara li jiġu kkunsidrati r-riżultati tal-valutazzjoni tar-riskju fil-livell tal-Unjoni mmexxija mill-Kummissjoni skont l-Artikolu 7 tad-Direttiva (UE) 2024/1640;

(c)

il-fatturi ta’ riskju assoċjati mal-karatteristiċi tal-istrumenti tal-flus elettroniċi li għandhom jitqiesu mis-superviżuri meta jiddeterminaw il-firxa tal-eżenzjoni skont l-Artikolu 19(7);

(d)

is-sorsi affidabbli u indipendenti ta’ informazzjoni li jistgħu jintużaw sabiex tiġi vverifikata d-data ta’ identifikazzjoni ta’ persuni fiżiċi jew ġuridiċi għall-finijiet tal-Artikolu 22(6) u (7);

(e)

il-lista ta’ attributi li l-mezzi ta’ identifikazzjoni elettronika u s-servizzi fiduċjarji kwalifikati rilevanti msemmija fl-Artikolu 22(6), il-punt (b), iridu jkunu preżenti sabiex jiġu ssodisfati r-rekwiżiti tal-Artikolu 20(1), il-punti (a) u(b) fil-każ ta’ diliġenza dovuta standard, simplifikata u msaħħa.

(a)

ir-riskju inerenti involut fis-servizz ipprovdut;

(b)

ir-riskji assoċjati mal-kategoriji ta’ klijenti;

(c)

in-natura, l-ammont u r-rikorrenza tat-tranżazzjoni;

(d)

il-kanali użati għat-twettiq tar-relazzjoni tan-negozju jew tat-tranżazzjoni okkażjonali.